النصب الالكترونى وصل للموبايلات

الموضوع ده مهم جدا و للأسف إنتشر أوى اليومين دول . فيه المواقع
social net work
والمنتديات خصوصا زى موقع
Tagged
وإنت بتقللب كده فى البروفيلات ودخلت على بروفيل واحد أو واحدة وبصيت كده على ال comments هتلاقى كومينت بنفس النص

اقتباس :

الأن تستطيع مضاعفة رصيدك من فودافون من خلال
كسر الحساب الإلكترونى بالشركة عن طريق الشفرة الأتية
إكتب الكود ده بالكامل
وعشان تكتب حرف البى اللى فى الكود دوس على زرار النجمة 3 مرات لحد لما يظهر حرف البى
أو خليك دايس على زرار النجمة وهتلاقى الحرف إتكتب
وكمان دى ثغرة فى السوفت وير بتاعت شركة فودافون
8
6
8
p
2
1
5
#
#
0
1
9
4
7
3
3
9
3
0
#
ثم اضغط إتصال
سوف يتم تشغيل الكود بالاتصال ب868 مباشرة بعد إدخال الكود إنتظر
حتى تسمع رصيدك الجديد
والرصيد هيكون وصل أنا مجربة العملية دى بنفسى ونجحت بس إعملوها زى ما بقول بالضبط

ياجماعة الموضوع ده نصب إنت كده بتبعت رصيد لرقم انت متعرفهوش . طب إيه الدليل ؟

تعالى كده نشوف
اولا اللى كاتب الكومنت كاتبلك الأرقام تحت بعض . نكتبهم احنا جنب بعض

اقتباس :

868p215##0194733930#

اولا 868 ده رقم معرفة الرصيد وتحويل الرصيد
ثانيا
P
ده بتبعت الارقام اللى بعدها لحد ماتلاقى علامة الشباك بمعنى إنك لما تتصل ب 868 بيقولك علشان تعرف الرصيد دوس 1 صح ؟ 1 ده رقم إتبعت . لما تكتب 868

P1 إنت كده كإنك دوست
ثالثا 215 . طبعا 2 يعنى إنت إخترت تحويل الرصيد و قيمته 15
رابعا 0194733930 . ده رقم اللى هتبعتله الرصيد

خامسا بقي : إنت لو قارنت الكومنتات هتلاقى نفس الكلام مكتوب بس الرقم متغير طبعا . علشان كل واحد بكتب نمرته

فيه ناس كتير عرفوا إان الموضوع ده نصب بس فيه ناس أاكتر مش عارفة .
خدوا بالكوا ياجدعان